Ek lewe nog!

Ek het ‘n paar dae gelede so lekker gaan stap. Hier kan julle my weer poegaai gespeel sien. Op die foto is dit nie so duidelik sigbaar nie, maar ek lê daar op ‘n afdraende, wat beteken dat, as Oubaas vir my die bal verder ondertoe gooi, ek weer terug met ‘n opdraende hardloop om dit vir hom te bring. Dis bietjie unfair.

Hier is iets wat groen is, Ounooi het al vir my die kleure geleer. Ek kan my verskillende kleure balle uitmekaar ken, maar niemand anders wil dit glo nie! Hulle wil dit altyd eers sien, dan dink hulle, ‘Wow, dis so ‘n clever honne!’

Ounooi het gedink hierdie is ‘n lekker stoel om op te sit as jy moeg raak. Sy het baie gou moeg geraak, maar die stoel was nie naby nie!

Mooi bloeisels. Dis ‘n moeilike woord. Ounooi het dit ‘n paar keer vir my gesê, maar my tong is te lank om dit te sê!

Hierdie is geel. Ek ken my geel bal baie, baie goed!

Sien, hier is my geel bal! Ek het mos gesê ek ken my geel bal baie goed!

Hier is ‘n tonnel. Dit was nie groot genoeg vir my nie. Ek het darem groot geword, hoor!

O gonna, hier het my kop gedraai, Ounooi en Oubaas moes maar besluit waarheen!

Dis ‘n lekker wegkruipplek, maar ek is al weer te groot vir dit!

Hier het ek besluit ons moet huistoe gaan. In die ‘bos’ maak Oubaas my altyd vas, want hy weet nie altyd wie daar rondloop met hulle gedrogte nie. Daar is altyd baie ander honnes ook en sommige van hulle is aaklige gedrogte en ken nie hulle maniere nie.

Aaahhg, dis nou cute, is dit nie?

Poplap en haar vriende by die universiteit het nou ‘n hoender en eende en nou het ek ook van hulle geleer! Die stupid honne van langsaan het die een hoender doodgebyt, so ‘n simpel honne! Toe gee die stupid honne se baas die eende vir hulle. Die eende is nog bietjie wild!

Nou word almal gewaarsku! Daardie simpel honne ook!

Vandag

DSC00748DSC00749

DSC00750DSC00745

Oubaas is besig om sy baadjie te kry en ek hoor die woord “stap” en kan nie wag om te kyk wat by die voordeur gebeur nie. Ounooi wil net heeltyd hê ek moet vir die kamera kyk! Ai, weet sy nie dat ‘n honne wil stap as ‘n honne wil stap nie!

DSC00751

DSC00753

Die twee borde sê als wat hulle moet sê. Ounooi het selfs ‘n foto vir die mense geneem om te wys dis nie ek wat sonder ‘n halsband rondloop nie! Definitief nie ek nie…

DSC00755

Hier kan julle sien dat ek steeds ‘n soet honne is. Oubaas het die halsband neergesit en vir my sit gesê en ek het dadelik gaan sit en doodstil gesit dat hy sy veters moet klaar vasmaak.

DSC00757

Siesa! Ounooi het dit maar klein gemaak, julle wil tog nie weet wat dit is nie, maar dis NIE myne nie! Stroes bob! sommer in die middel van die paadjie nogal, kan die mense dan nie LEES nie, of is hulle ongeletterd!

DSC00761

Nog steeds soet honne…hier wys Ounooi hoe ek self vooruit hardloop, stop en terug hardloop na hulle, ek doen dit sowat elke 100 tree. Ek doen dit nog altyd. Hier kan julle my sonder ‘n halsband sien, want dis in die veld, sodra Oubaas sien daar kom iemand met ‘n woef aan, dan sit hy baie gou my halsband aan, net vir ingeval daardie woef ‘n snaakse woef is. Meeste van die tyd is hulle almal baie gaaf en vriendelik.

DSC00766

Hier in die veld skop Oubaas vir my die bal, hier kan julle sien waar moet ek die bal in die gramadoelas gaan uithaal. Natuurlik raak ek doodmoeg na die gespelery.

DSC00781

Na so ‘n speelsessie, kry ek darem altyd lekker water. Oubaas is slim, hy dra altyd ‘n klein rugsakkie met hom saam en dan ek darem my dors les.

DSC00776

Hierdie sakkie het ek langs die pad gesien en gewonder watter soort snacks dit is. Die woord Rainbow het my laat dink aan ‘n land waar die mense die Rainbow nation genoem word, ek wonder skielik hoekom ek Ounooi dit hoor sê het.

DSC00785

Ek het julle lankal in ‘n cartoon vertel dat ek allerlei soorte honnes op my pad kry. Kyk nou hierdie ene. Haar naam is Mollie. Sy was skoon hondverskrik en honnesku en menssku… sy het soos ‘n wie-weet-wat rondgehol – asof sy vir ‘n marathon oefen. Die tweede keer toe sy weer soos ‘n malhonne verby ons kom, toe steel Ounooi die foto, maar sy wou graag die hond van voor af afgeneem het…dis nie ‘n mooi honne nie! Mollie – het ons agtergekom – het haar mense verloor en later het haar ounooi roepend na haar geloop en soek. Gelukkig het ons toe vir Mollie gewaar en haar geroep, sy het nader gekom en toe hoor sy haar ounooi en toe hol sy weer met ‘n skuins-vaart verby ons. Gelukkig was Mollie verenig met haar baas.

DSC00786

Liewe aarde! Kyk hoe spring ek darem! Ek sal die Suid-Afrikaanse netbalspan haal met hierdie spronge van my! O ja, Mollie se baas was doer ver agter daardie donker bome – die dat Mollie skoon verdwaal het!

DSC00789

Sjoe! Die koeligheid teen my moeë lyf is te heerlik! ‘n Honne raak darem moeg van speel, maar oe…dis ‘n lekker speel!

DSC00792

Hier het ek weer vooruit gehardloop en vir Oubaas-hulle gewag. Hier kan julle sien ek lê heerlik naby die perde!

DSC00798

Ai! As ek daardie pad daar bo sien, dan raak ek sommer lam! Dis waar al daardie brrrm-brrrrm-goete is waarvan ek net niks hou nie! Oubaas moet my baie keer oor die besig pad trek of selfs dra…ek hou net niks van daardie goed nie. Gelukkig is ons huis net so slap links, oor die pad en dan is ons by die huis!

Beeste kyk en slimgeid

DSC02446

DSC02443

DSC02423

DSC02427

DSC02425

DSC02395

Ounooi het gelukkig so ‘n paar minute gehad wat sy kon steel om vir julle te bederf. Ek het natuurlik vir haar mooi poot gegee en haar knie ‘n lekker nat lek gegee. Julle het nou al die beeste-kyk foto’s gesien en hierdie boonste foto’s is almal nog deel daarvan. Julle sal ook onthou hoe soet honne ek is met die stappery en al die dinge. Hier is so baie rigtings waarheen daar met my gestap word, dat ek nou nie vir julle kan sê of hierdie een ‘n noordelike of oostelike rigting is nie, ek’s te deurmekaar gestap! Al wat ek weet – soos julle in die laaste foto kan sien – is dat ek heeltyd net snuf-snuf soos ons stap. Dis geen wonder Poplap sê ek’s ‘n stofsuierhonne nie, ek moet altyd aan als ruik en seker maak dis veilig en dat dit my nie gaan opeet nie. Hier het Ounooi skoon moedeloos geraak, want ek het letterlik elke blaartjie beruik, maar Oubaas het gesê sy moet my net dophou sodra ons omdraai en sê kom ons gaan “huistoe”. Sjoe! en toe gebeur dit! Toe ons omdraai, toe sê Oubaas net vir my, “kom Zandie, ons gaan huistoe, kom, huistoe!” Woef, sê ek vir julle regte mense wat hier lees, dit was toe ‘n hond van ‘n ander kleur! Ek het sommer nie meer geruik nie, net so hier en daar my neus grond toe laat gaan en reguit die paadjie gestap wat ons gekom het sonder dat Oubaas of Ounooi een woord vir my gesê het om my te herinner watter bos-afdraaipaadjie om te vat! Sjoe, Ounooi kon dit skaars glo. Sy was skoon in vervoering oor my slimgeid en het eers gedink Oubaas praat sommer. Woef, ek is ‘n honne-honne en nie ‘n bobbejaan-honne nie! Ek is slim as dit by “huistoe” kom en ek weet presies hoe ons gekom het en sal net die regte paadjie terugneem huistoe. Julle regte mense wat hier lees, julle moet vir julle almal ‘n Kollie-honne kry. Ounooi sê sy het nog altyd gedink haar Jack Russel was die slimste, maar nou dink sy bietjie anders. Woef!

Woef, amper vergeet ek. Iemand het vandag gesoek na “hoe lank leef Collie-honde!” op my blog. Sjoe, ek raak nou bekend. Die anner dag het iemand gesoek na die soort kos wat marmotte eet en ek het toe vir hulle die antwoord gegee. Nou gaan ek vir julle vertel hoe lank gaan ek nog leef…en dis maar net 12 jaar. Eina, dis nie baie lank nie. Die oudste Kollie-honne het 17 jaar geword. Sjoe, ek wens ek kan ook so oud word. Ai tog, hoekom moet almal en alles doodgaan!

DSC02435

Ounooi het baie gehou van hierdie foto, Oubaas sê sy wil altyd sulke “snaakse” goed afneem, goed wat gewone mense nie wil afneem nie, Ounooi sê sy hou daarvan om sulke “snaakse” goed af te neem, sy dink dis deel van jou persoonlikheid om bietjie “anders” te wees, Oubaas moet maar daarmee saamleef, hy het ook haar maar gelos, want hy ken haar al as sy eers begin kliek-kliek.

DSC02142

Hier kan julle sien hoe sommige mense die paadjies ry wat hulle nie mag ry nie. Julle sal seker nog die waarskuwing onthou. Oubaas het self die anderdag hier gery. Nou kan julle sien watse paadjies ek partykeer moet loop! Hier het ek en Ounooi teen die verste kant links op die gras probeer loop, Ounooi het net-net nie in die modder getrap nie en Oubaas het darem polite probeer wees deur te maak asof hy wil seker maak dat sy nie gaan val nie, maar sy het darem hom verseker dat haar balans baie goed is. Ek het nie balans mooi verstaan nie en gewonder of ek ook balans het en of myne ook goed is. Ounooi sal seker nog vir my sê wat dit is. Sy vertel my van alles wat ek moet weet.

DSC02124

Op hierdie foto kan julle die skuinste sien waar ek meeste van die tyd my stappies begin. Die bome doer in die verte, is waar ons deurkom en dan loop ons al die pad die skuinste af en dis juis hier waar ek so baie daarvan hou om in die lang grasse plat neer te val. Julle sal my vorige foto’s daaroor onthou. Dan kom ons by hierdie plaasskuur uit, wat vir Ounooi-hulle lyk of dit nie gebruik word nie. Links op die foto sal julle my hekkie sien waardeur ek moet gaan en dan’s ons direk in ‘n smal teerpaadjie. Die foto van die trekker sal julle nog onthou – waar ek so eenkant toe gesit het – dis nou daardie paadjie en daardie teerpaadjie bring mens ook uit by die modderige waterpaadjie wat julle ook hierbo sien. Die teerpad gaan aan oor ‘n tipe van ‘n bult wat ons nog nie gaan stap het nie. Die skuinste is nogal harde werk as jy teruggaan en Ounooi blaas partykeer soos ‘n os – moenie dat sy weet ek sê dit hier van haar nie!! – as sy doer bo uitkom. Ek dink sy het ‘n kierie nodig om daardie opdraende te loop!

DSC02373

Ek wonder wie van julle kan raai wat hierdie goete is! Ounooi kry hulle partykeer teen haar arms en dan gebeur daar iets vreesliks…sy moet ook ‘n pels soos ek kry, dan sal die iets vreesliks nie met haar gebeur nie! Dis sommer stoute plante, Woef!

Sien en doen

DSC01854

DSC01852

 

DSC01832

 
DSC01829

DSC01648

DSC01645

DSC01787

DSC01824

Gister was maar ‘n baie lui dag vir my gewees. Ek was byna die hele dag alleen en moes myself maar so bietjie vermaak. Ek het partykeer gaan kyk wat doen die marmotte en vir hulle ‘n woef gelos, net sodat hulle weet ek pas hulle op en kyk hulle groot. Ander kere het ek met my speelgoed gespeel. Ek raak al goed daarmee om die frisby te gooi dat hy so entjie rol. Ek dink ek sal al hoe beter raak, ek moet net meer oefen. Ek het net so bietjie stout geraak en ‘n plastiek bakkie se een hoekie gekou. Oubaas het my net baie mooi vertel, en sy vinger na die plastiekbakkie gehou en toe het ek geweet dat Oubaas nie daarvan hou nie.  Ek het net sy vinger gelek en vir hom toemaar gesê. Sy stem was so harder as gewoonlik en ek het gewonder of hy nou doof raak as hy so bietjie harder praat. Ounooi langsaan skree gedurig as sy met Oubaas-langsaan praat, want Oubaas-langsaan is so bietjie doof en hy hoor nie mooi nie. Ek hoor haar ook net skree as hulle iewers heen gaan. Gelukkig. Ek dink ek sal ook doof raak as ek haar die hele tyd moet hoor skree.

Op die foto’s kan julle weer sien wat ek sien wanneer ek op my stappies gaan. Ounooi sê die tweede foto het sy nie mooi geneem nie, maar ek het gevra dat sy hom vir julle moet wys. Meeste van julle weet seker van hekke en slotte op plase. Ounooi sê op hulle plaas het hulle hekke nooit slotte gehad nie. Dan kan julle ook die bloekomboom sien wat in ons tuin staan. Dis die boom waarvoor ek so lief is wanneer die bal vir my gegooi word. Dis ook aan die boom waar die sokkerbal gehang het. As jy hier lees en jy weet nie van my groot eina nie, dan moet jy bietjie gaan lees oor my eina op die eina-possie. Oubaas het toe vir Ounooi geluister en die bal gaan afhaal.

Terwyl ek gister so alleen was, het ek ook met tye myself bietjie skaflik gemaak vir wanneer Oubaas-hulle terugkom. Kyk net hoe strek my tone aan my een poot wat julle kan sien, ek het darem baie skoon tussen hulle gemaak, ek hoop julle kan sien hoe skoon ek is.

Op die volgende foto kan julle sien hoe laf ek myself gehou het. Wat julle nog nie weet nie, is dat daar ‘n hele paar appelbome agter in ons tuin groei. Hulle is maar so bietjie suur, Ounooi trek haar gesig op baie plooie as sy hulle eet. Ek speel lekker met hulle. My tande sak so weg in hulle en hulle rol nie te ver weg nie. Hier is ek weer besig om myself te vermaak met een van hulle. Ek wonder hoeveel van julle se honne kan hulleself so vermaak soos ek dit doen.

Aan elkeen wat hier lees, gaan daar vandag ‘n rooi poppie! Hierdie mooi poppies het Ounooi in die veld geneem. Sy het gedink julle sal daarvan hou en ek het ingestem dat ons die een op my blog plaas. Die mooier een is op Ounooi se blog. Woef-woef! Lekker dag vir julle almal!

Plas en Plaas

DSC02462

DSC02459

DSC02455

DSC02457

DSC02454

DSC02467

Ek het julle gister gesê van die “baie dinge”. Ek hoop julle het my geglo. Hier het Ounooi my so pas gehelp om nog foto’s van gister se stappie op te laai. Nou kan julle sien dat ek uiteindelik skapies ontmoet het! Ai tog, dat ek so dom was en gedink het die geel bal was ‘n skapie. Nou weet ek presies hoe skapies lyk. Ek was maar baie versigtig vir hulle en het nie geweet wat hulle aan my gaan doen nie. Oubaas en Ounooi het net die hele tyd vir my gesê dat ek nou uiteindelik weet hoe die diere lyk wat ek eintlik moet aanjaag.

In die derde foto sien julle hoe lyk tiener-hoenders. Mens noem hulle seker maar nog kuikens en ek het nou ook geleer van om te sê dat iemand eintlik nog ‘n kuiken is. Hierdie kuikens was nie so naby Ounooi toe sy die foto geneem het nie. Nee, sy was omtrent ten minste 30meter van hulle af. Sy was bang dat hulle sou opspring en skrik en maar met die kamera baie naby in gezoom. Sy wou bitter graag nader gaan, maar Ounooi weet hoe kan hoenders en kuikens tekere gaan as hulle skrik en sy’t gedink die kamera gaan vir hulle ook skrikmaak, dan skrik hulle twee keer en nie net een keer nie. Woef, dit sal ‘n baie groot skrik wees. Ek hou nie van skrik nie. Ek het vir die beeste geskrik, maar Oubaas het mooi toemaar vir my gesê.

Julle het my al voorheen met ‘n perd gesien, ek ken hulle nou al goed, ek weet alles van hulle af. Ounooi het gesê hierdie een perd lyk vir haar soos haar foxterrier hond wat sy op die plaas gehad het. Mens kry foxterrier koeie ook, ek het net gehoor van hulle. Ek weet ook nog nie mooi van foxterrier nie, ek weet net van ‘n fox, want iemand het gesê ek lyk soos ‘n fox en dit moet seker mooi wees.

Op die laaste foto kan julle nou sien waarvan praat ek as ek julle vertel van die lang grasse. Dit is tog so heerlik om binne-in hulle weg te sink en so slof-slof deur hulle te loop. Ek wens net dat hulle dikker was – en langer – dan kon ek meer slof-slof geloop het. Partykeer wil ek soos ‘n kangaroo spring. Ek moet nog leer van kangaroo, ek het net gehoor Oubaas sê ek spring soos een. Poplap sê weer ek lyk of ek rondplas in die gras soos klein kindertjies in die water rondplas. Ek wonder hoe hulle dit doen.  More is ek heeldag alleen. Ounooi-hulle moet almal London toe gaan. Ek wonder net of dit ver is. Ek hoop net dat ek ‘n been gaan kry om te kruis. As julle nog nie weet hoe ek bene kruis nie, moet julle net bietjie terug kyk na my ander possies. Ounooi het vir julle met ‘n foto gewys hoe ek ‘n been kruis.

Follow

Get every new post delivered to your Inbox.