Vakansie

IMG_3115

IMG_3137

Dit was weer skoolvakansie. Ounooi en Oubaas het besluit dat hulle bietjie oor die water moes gaan kuier en toe het ek ‘n lekker tydjie gehad. Poplap het gekom en my kom oppas. Net soos ek eintlik skape moet oppas, maar ek weet nie van skape nie. Ek weet net van balle! As Ounooi praat van ‘skape’, dan wil ek eerder net weghardloop. Gee vir my balle en ek is doodgelukkig. Ounooi-hulle het net gister teruggekom en my toe van ‘n ander honne vertel! ‘n Honne net soos ek! Hierdie honne bly op Stilbaai en hy wil ook nie weet wat skape is nie! Hy hou net van seevoëls! In die foto kan jy hom sien. Hy kyk die hele dag lank net vir hierdie voëls wat net op die water bly. Ek dink ek moet hom gaan help, want Ounooi laat dit so lekker klink om by die see te wees, al weet ek ook nie wat dit is nie, maar alles wat sy my vertel moet seker lekker wees. Ek wag nog het ‘n jaar dan gaan ek ook see toe en vir hierdie voëls kyk. Ek wonder wie hou ook van voëls kyk? Is daar nog iemand wat van die see hou? Ek sal graag wil weet, want dan kan ons sommer almal see toe gaan. Ek gaan nou eers nog ‘n bal soek. Poplap het ‘n nuwe groen bal vir my gekoop. Ek het nog nooit ‘n groen bal gehad nie en hierdie een is nou ‘n ‘anderse’ bal. Ek hoor dat hy my help met my tande. Dit moet dan seker goed wees.

‘n Lang rit

IMG_1936

IMG_1937

Hallo! Ek het net gou weer kom inloer en wil net sê dat ek nog die lewe geniet. Ek raak nou net ‘oud’ soos Ounooi deesdae vir my sê. Ek het 2 dae vir Poplap gaan kuier en sy is nou byna 3ure se ry van my af. Sjoe! Dis regtig ver vir ‘n hond soos ek, maar Oubaas sê dat ek sulke lang ritte nou ‘beter vat’. Ek weet nie wat dit beteken nie, maar dit moet seker iets ‘goeds’ wees as hy so sê. Op die pad het Oubaas net twee keer gestop en my laat bene rek en ek was so dors! Ek het ook so bietjie dronk gevoel in die begin en moes my maar lekker inhou om nie op my matras ‘n ‘gemors’ te maak nie. Gelukkig was ek darem okay later aan en het ek meestal geslaap. Toe ons by Poplap aankom, kon ek haar dadelik ruik toe ek by die voordeur inkom en het ek geweet waar ek was! Ek het sommer gou tuis gevoel en ‘n bal gesoek wat iemand vir my moes gooi, maar o wee! Ek kon dit nie lank hou nie, toe wil my oë net toeval! Op die eerste foto sal jy sien hoe hard ek probeer om my oë oop te hou en op die tweede foto was ek sommer weg! Skaars 5 minute na die eerste foto geneem was! Ek het sommer vir ure geslaap. Sulke lang ritte is uitputtend vir honde van my ouderdom en ek is ook nie meer vandag se hond nie. Gelukkig weet Ounooi en Oubaas dit en laat hulle my baie rus. Honnegroete! Ek gaan nou eers weer ‘n bal soek.

 

Ek is so baie moeg

IMG_1688 IMG_1689

Sjoe! Ek hoop julle kan sien hoe moeg ek is.My tong hang sommer ver uit en ek hyg na my asem. Kan julle hoor hoe ek hyg? Ek hoop so! Ek is so moeg soos tien perde wat twintig perdekarre moes trek! Wanneer ek so moeg is kan ek nie eens water gedrink kry nie. Ounooi bly vir my sê om water te drink. Die water is baie naby aan my, maar sy weet nie dat ek net heeltemal te moeg is. Ek meen, give me a break! ‘n Hond kan ook net soveel bal speel voordat sy moeg is en ‘n hond moet kans gegee word om darem asem te skep voordat sy iets anders kan doen. Ek gaan nou eers probeer water drink en dan inloer by my rescue maatjies. Ek hoop Tannie Skoor het onthou dat ek ook ‘n rescue honne is. Hier is ‘n foto van my rescue maatjies, lekker in die winter warm aangetrek. Ek hoop Ounooi gaan ook vir my so ‘n jassie kry! Jinne, dis lekkerste bederf.
muis

Lekker Sjokolade!

Zandiechocs
Hallo Almal! Ek leef nog! A nee a man! Sien julle wat ek sien! Hoe kan enige iemand dit aan ‘n honne doen! As jy my lekkerte in so ‘n doos sjokolade plaas, hoe dan nou anders, enige honne sal net so graag ‘n happie van daardie lekker sjokolade wil hê! Ek was baie skeef aangekyk toe ek meer vir die sjokolade kyk as my stukkie lekkerte wat daar eenkant neergesit is. Dan het hulle ook nog boon-op gedink hulle kan met my slim brein smokkel!

Zandie (2)
Net om te sê: Ek het nie ‘n sjokolade gekry nie! Nee wat! Hierdie familie dink honnes moet net honne kos kry. Dis net Ounooi wat so nou en dan ‘n krummeltjie van iets anders vir my skelmpies laat kry – as die ‘base’ van die huis nie vir haar kyk nie!

IMG_1528

Hier slaap ek vanaand op Ounooi en Oubaas se bed. Dis hoe ek elke aand bietjie bederf word. Gewoonlik is dit dan al naby aan 10uur en is oorwerk en uitgeput na ‘n dag se bal-speel. Dis die lekkerste deel van die aand voordat ek op my eie matras in die kombuis gaan slaap. Gewoonlik is ek so bietjie knorrig – soos ‘n knorrige ou man –  as ek hier lê, want dan is ek regit pê en wil nie gepla wees nie. 

Meer honnes en Kaapse honnes ook

SONY DSC

Hallo Almal!

Ek kom net sê dat ek nog leef! Dis byna 1 jaar later en hier’s ek weer! Jitte, die tyd vlieg. Ounooi het in ‘n park gaan stap en hierdie honne afgeneem. Sy hou daarvan om ander honnes vir my te wys. Ek blaf en sê altyd hallo vir hulle almal. Die honnes op die volgende foto is altwee Kaapse honnes en hulle Ounooi bederwe hulle te lekker. Hulle weet nie van honne-lewes nie, net van koninklikes. Ek hoop julle gaan vir hulle ‘hallo’ sê, hulle woon albei in Skelmbos! Sjoe, hierdie WordPress se Afrikaans is baie snaaks. Hulle sê ‘kop’ vir ‘heading’ in Afrikaans… blaf! blaf! BLAF! dis erg snaaks! Ek gaan nou my heading afblaf! 

woef

honnes

SONY DSC
Hierdie uitgeholde boom is ‘n antieke boom wat Ounooi in die historiese park afgeneem het. Hulle het ‘n kampie om die boom gesit sodat stupid mense nie die boom verniel nie. In die park is ook van die Harry Potter ‘scenes’ geskiet.

Lui-lekker

SONY DSC

Dis darem ‘n lekker honne lewe! Hierdie is my gunsteling plekkie wanneer ek my middagslapie slaap! Ek lê so lekker, jy kon netsowel ‘n kat voor my neergesit het, ek sou nie eers ‘woef’ gesê het nie!

Kaal boudjies

Hallo Almal
Ek moes julle net ietsie wys. Poplap was verveeld – dis wat Ounooi gesê het en ek weet nog steeds nie wat verveeld beteken nie! Ounooi het iets gesê van kattekwaad met my gedoen. Ek weet nie waar die katte is nie, ek wil hulle net altyd gryp as ek hulle sien. Nou weet ek nie mooi wat Ounooi meen nie. Al wat ek weet is dat my boudjies bietjie voel of hulle kouer kry as gewoonlik en Ounooi se baie goete soos – kyk hoe lyk sy en ag nee man, wat het jy met haar gedoen, arme brakke! Kyk net hoe skaam lyk ek op die foto! Poplap dink my hare gaan vinnig groei en Ounooi dink nie so nie. Poplap wou my hele lyf geskeer het, ek is maar bitterbly sy het dit nie gedoen nie. Ounooi so darem vir dae aanmekaar gekerm en gekla het oor hoe siek ek sou lyk, ek dink dis genoeg dat sy nou vir ure en ure kla oor hoe ek nou lyk! O ja, Ounooi het niks gesê nie, maar sy het my so pas van ‘n slapie wakker gemaak, kyk net hoe slaperig lyk ek, behalwe dat ek skaam is vir die foto-nemery!